|
Бинобарин, уларнинг муайян бир эҳтиёжлари учун эмас, барча эҳтиёжлари учун садақа бериш мумкин.
3- Закот фарз амалдир ва шу эътибор билан у биринчи навбатда бажарилиши лозим. Шундай бўлса-да, Аллоҳ Таоло закотдан олдин садақа ҳақида гапирди. Бу билан садақанинг фазлини кўрсатди. Токи, мусулмонлар фарз билангина, закот билангина кифояланиб, садақани унутиб қўймасинлар. Айрим мусулмонлар жазодан қўрқиб, эътиборларини фақат вожиб, фарз амалларгагина қаратадилар. Аллоҳга яқинлаштирадиган бошқа нафл амалларга аҳамият бермайдилар. Мана бу ердаги садақанинг закотдан олдин тилга олиниши мўминларнинг назарларини фақат фарз амал билангина чекланиб қолмасликка, Аллоҳ хоҳлаган бошқа нафл амалларни ҳам бажаришга қаратади. Шу билан мусулмон закотга садақани ҳам қўшади. Бу ишда айниқса ўз молини, бойлигини яхши кўрадиган, камбағал бўлиб қолишдан қўрқадиган мусулмон учун жуда катта ажр, савоб бордир. Яъни, ўзи муҳтож бўла туриб, кўп мол-давлатга эга бўлмай туриб, агар бериб юборадиган бўлса, камбағаллик ҳудудига ўтиб қолиши мумкин бўла туриб, садақа қилган кишига жуда катта ажр, савоб бўлиб, у эзгулигу тақво бобида жуда буюк чўққини забт этган ҳисобланади.
Бу ердаги садақанинг олдин тилга олинишидан садақа закотдан яхшироқ экан-да, деган тушунча келиб чиқмайди. Оят закот ва садақа амалини бажариш хусусидаги ҳужжатдир. Аллоҳ садақани олдин зикр қилиш билан мусулмонларни унга ундаяпти. Токи, мусулмон бу гапдан таъсирланиб, камбағал бўлиб қолишдан қўрқиб турган пайтида ҳам ўзи яхши кўрадиган молидан садақа қилсин.
4-
وَالصَّابِرِينَ فِي الْبَأْسَاء والضَّرَّاء وَحِينَ الْبَأْسِ
(Ва хусусан оғир-енгил кунларда ва жангу жадал пайтида сабр-тоқат қилгувчилар). Бу сўз аслида юқоридаги (لكن )нинг хабари ўрнида бўлганлиги эътибори билан
وَالْمُوفُونَ بِعَهْدِهِمْ إِذَا عَاهَدُواْ
(ва аҳдлашганларида аҳдларига вафо қилгувчилар) каби раф бўлиши керак эди. Лекин у хослаш қоидасига асосан насб келяпти. (وَالصَّابِرِينَ ) Яъни, хусусан мана шундай оғир ҳолатларда ҳам сабр қила олган зотлар учун Аллоҳ томонидан буюк бир олқиш, мақтов, юксак мартаба тайёрлаб қўйилган.
إِنَّمَا يُوَفَّى الصَّابِرُونَ أَجْرَهُم بِغَيْرِ حِسَابٍ
– „Ҳеч шак-шубҳа йўқки, сабр-тоқат қилгувчиларга ажр-мукофотлари ҳисоб-китобсиз тўла-тўкис қилиб берилур“. [39:10]
87-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208